Halos mabingi ako sa lakas ng pintig ng puso ko. Pakiramdam ko ay may mga nag uunahang kabayo sa loob nito. Dama ko ang pamimigat ng dalawang binti ko habang inihahakbang ko palapit sa malaking gate, sa taas at kapal ng pagkakayari nito ay hindi mo makikita ang nasa loob. Kung susukatin ang taas ng bakod na ito ay halos dalawang tao at
isang bata. Ganito ka ingat ang mga magulang ko.
Nanginginig ang aking kamay habang pinipindot ang doorbell. Pangatlong beses na ito, ngunit wala pa ring tumutugon…
"Please pick up!" Usal ko.
Laking pasalamat ko ng may lumapit na guard.
"Sino po sila?" Tanong nito.
" Manong si Vanny po ito! Gusto ko pong makausap sina mommy at daddy!"
"Maam Vanny!" Gulat na sabi nito habang nagmamadaling binuksan ang maliit na gate na nasa gilid.
" Manong Rod kamus
