Pilit kong pinakalma ang aking sarili, ayokong magmukhang mahina sa harapan niya. Sa tatlong taon dama ko ang malaking pagbabago sa kanya. Malayo na siya sa lalaking nangako sa akin noon na babalik at aayusin ang lahat sa amin.
"Kung tungkol yan sa kalagayan ni Yanna makikinig ako! Pero kung wala namang kinalaman sa anak ko ang sasabihin mo, makakaalis ka na!" Matigas na wika ko.
Matiim niya akong tinitigan, pakiramdam ko ay napakababa ko sa paningin niya. Na para lang akong isang maliit na langgam kung suriin ng mga mata niya.
Ano bang nagawa ko sayo para hamakin mo ako ng ganyan? Hindi ka nagsasalita pero ang mga tingin mo wagas! Dinaig ko pa ang maruming basahan na parang pinandidirihan!
Mga salitang gusto ko sanang itanong sa kanya. Ngunit para bang nagkaroon ng staper ang lalamuna
