"Nakakapagod," reklamo ko nang makarating kami sa loob ng hotel. "Oy Keith, bakit ba andami mong pinamili?"
Tumawa lang siya. "Gusto kong magluto, e."
Napakunot-noo ako. "Okay ka lang? E nagluluto ang Mama mo at ang Papa mo doon sa kabilang kusina. Baka masayang lang."
"Sus, hayaan mo 'yong dalawang 'yon. Hobby ko 'to e."
Bintibit naming dalawa ang mga pagkain papuntang kusina. He told me he is going to teach me how to cook. Sumama naman ako habang wala pa kaming ginagawa para sa nalalapit na kasal ng kapatid niya.
Ilang araw na rin ang lumipas simula no'ng nag-usap kami ni Krystal. Hindi naman nagbago ang pakikisama niya. Palagi pa ring masayahin at caring sa akin. Madalas pa nga ay nago-open up sa akin ng mga takot niya. Kahit papaano ay gumaan ang pakiramdam ko. Dahil alam ko, pin
