Pagdating ko sa Star Amusement Park, natanaw ko sa may entrance ang ‘sang lalaking naka-ripped jeans, white shirt, at cap. Hindi ko mapigilan na mapangiti nang makita kong pabalik-balik siyang naglalakad na para bang hindi siya sigurado sa gagawin niya.
Bumaba ako sa taxi saka sumabay sa grupo ng mga taong naglalakad papunta sa entrance saka nilundagan si Chase mula sa likuran.
“Hoy!” sigaw ko dahilan para mapatalon siya sa gulat.
“Walang hiya, Catherine!” gulat niyang sabi habang nakahawak sa kanyang dibdib. Napangiti ako.
“Mukha kang timang diyan. Tara na nga.”
Nauna na akong naglakad kay Chase at nakangiti naman siyang sumunod sa akin. Tumigil kami sa tapat ng ticket booth saka bumili ng ticket bracelet para sa ride-all-you-can promo nila. Mabuti na lang wala masyadong tao. Weekda
