NAGTAKA kaming lahat sa naging reaksyon ni Miss Chua. Wala namang nakakatawa pero bakit naman siya natatawa? Nagkatinginan kami ni Saffi ngunit walang salita na namutawi sa aming dalawa. Nakatitig lang kami kay Miss Chua at panay na rin ang sulyap ko kay Ma’am Dizon.
“Miss Chua,” sambit ni Marge na bakas rin sa mukha ang pagtataka.
“I never imagined you pushed through with your investigation, Kids,” sabi ni Miss Chua sa pagitan ng mahinang pagtawa.
Nakaramdam ako ng kaba. Kahit naguguluhan ako ay hindi pa rin maalis sa isip ko na baka may kinalaman din si Miss Chua sa nangyayari.
“My my my... Hindi talaga kayo nakinig sa payo ko sa inyong itigil ang pag-iimbestiga ano? You even risk the life of one of your friend. Tsk tsk tsk! Poor little girl,” patuloy niya na humalakhak pa.
Nag
