NAKAMASID lang ako kay Kaye habang nanggugupit ng kartolina para sa prom night bukas. Gumagawa kasi kami ng mga disenyo para sa dekorasyon sa stage bukas at nandito kami ngayong gabi sa library naka-stay. Pinahintulutan naman kami ng Principal na dito tapusin ang gawain namin. Lahat kaming magkakaibigan ay nandito maliban kay Ayla na nagpaalam na hindi siya makakasama dahil hindi siya nakapag-paalam sa Lola niya.
“Chax, paabot nga ng glue.”
“Here,” sabi ko at inabot kay Kaye ang glue.
Nakaupo lang ako sa silya at pinapanood sila. Nasulyapan ko si Daryl na hawak ang kartolinang ginugupit ni Shana at mataman siyang nakatingin dito. Napataas ang sulok ng labi ko.
“Baka matunaw sa titig mo, Dude,” parinig ko na hindi sila tinitingnan.
Tiningala ako ni Kaye at kinindatan ko siya. Inir
