Unti unti pumasok ang mga inutusang kawal ni Prinsipe Boreas habang kaladkad kaladkad nila ang mga mababang opisyales na kasama sa listahan ng pinahuhuli ko. Nakita ko pa kung paano sila magwala mula sa mararahas na paghawak sa kanila ng mga kawal.
"Mahal na Prinsesa, kompleto po namin nahuli ang lahat ng opisyales sa iyong listahan." Magalang na pagbibigay alam sa akin ni Varro bilang isa sa binigyan ng trabahong ito ni Prinsipe Boreas.
"Magaling." Walang kaemo-emosyong komento ko saka isa isa pinasadahan ng tingin ang mga mababang opisyales na kanilang hinuli.
Ramdam na ramdam ko rin ang sobrang pagkamuhi sa kanilang mga mata habang tinitingala ako sa aking kinauupuang trono. Alam ko na may ideya sila kung bakit ko sila pinahuli ngayon subalit alam ko na hindi rin naman nila aaminin
