Nagkaroon muli ng tensyon sa kapaligiran nang magkaharap ang grupo ni Dervis at aking mga kapatid na prinsipe. "Prinsesa Prima, tapos na ba ang inyong pag-uusap?" Pagtatanong sa akin ni Kuya Orion.
"Oo, tapos na kami." Pagkukumpirma ko sa kanila.
Tinignan ni Kuya Orion sina Dervis. "Kung ganoon ay ano pa ang ginagawa nila rito? Hindi ba dapat ay bumalik na sila ngayon sa kanilang istasyon?" Sambit niya na nasa nagbabantang tono.
Nag-aalangan naman ako lumingon kina Dervis. Subalit nagulat ang lahat ng biglang iniluhod ni Dervis ang isa niyang tuhod paharap sa aking mga kapatid.
"Mga prinsipe, sana bigyan niyo ko ng permiso na hamunin ang pinunong kawal sa isang labanan para palitan siya na personal guard ng inyong kapatid na prinsesa." Pahingi niya ng permiso na ikinabuga ni Prinsipe N
