Natahimik ang lahat dahil sa katotohanan sa likod ng ginagawa ni Dervis. Nahihiyang napatakip pa ng kanyang mukha si Dervis dahil nasa kanyang direksyon ang tingin ng lahat.
"Sana nauunawaan mo na ang lahat kaysa bintangan ako ng mga kung anu-ano at hindi iyon nakakatuwa." Pabulong na komento pa ni Dervis habang pilit na itinatago ang kanyang hiya sa kanyang inamin.
Bigla naman humalakhak ng tawa si Xerxes at napahiga pa muli sa sahig sa kanyang kakatawa. "Hahahaha! Seryoso ba ito, Dervis? Ginawa mo ang mga iyon? Para makalapit lang sa prinsesa?!" Hindi makapaniwalang sambit ni Xerxes habang patuloy pa rin sa pagtawa. "Ikaw ba talaga ang aking kakambal?"
Sinubukan na tadyakan ni Dervis si Xerxes ngunit mabilis siya na nakaiwas. "Tss. Anong nakakatawa roon?" Nakasimangot at naaasar nama
