"Annie!" Nag-aalalang nilapitan siya agad ni Kelvin. Nakaupo siya sa gilid ng kalsada at hindi na nagawang pumasok sa kanyang bahay.
Tumingala siya. Namumugto ang namimintog niyang mga mata dahil sa walang sawang pag-iyak.
Itinayo siya ni Kelvin mula sa pagkakasalampak. Muntikan pa siyang matumba ulit dahil talagang nanghihina siya. Buti na lamang at agad siyang naalalayan ng lalaki.
"Pumasok tayo sa loob. Baka kung mapaano ka rito," ika nito ngunit marahas siyang napailing.
"Kailangan kong mapuntahan agad ang anak ko, Kelvin. Baka kung ano ang ginawa sa kanya..." pakiusap niya sa lalaki. Hinawakan ito sa kamay. "Puntahan natin siya... " pagsusumamo niya.
Napailing si Kelvin. "Do you know where to go? Saan dinala si Lexter?"
Napailing siya. Doon na muling bumuhos ang luha ni Annie. S
