“SUMAMA ka sa amin sa party mamaya. Kailangan namin ng tulong mo,” sabi ni Derrick habang magkakaharap sila sa tambayan nilang magkakaibigan.
Nagsalubong ang kilay ni Richard sa sinabi ni Derrick. Halos isang buwan na mula noong mapansin niya na bigla na lang sumasama sa mga lakad niya ang kanyang pinsan lalo na kapag kasama niya ang kanyang mga kaibigan.
Nasagot lang ang tanong niya noong isang linggo pagkatapos niyang mag-celebrate ang ika-dalawampu’t dalawang kaarawan. Hiniling niya sa kanyang mga magulang kung puwedeng magkaroon ng salo-salo sa bahay nila tulad nang nakagawian nilang gawin taon-taon. Pagkakataon na niya kasi iyon na imbitahan si Isabella para makausap niya ito nang hindi siya nilalayuan nito.
Ngunit ayaw pumayag ng Mama niya. Baka daw mangyari sa kanya ang nangyari
