Isang mahabang araw na naman para kay Yna. Masakit pa sana ang katawan niya pero hindi siya pwedeng hindi pumasok. Ayaw pa sana siyang bitiwan ni Paul at balak pang ikulong siya sa kama nito nito pero hindi siya nagpatinag. May mga pasyente siya ngayong araw kaya kahit gustuhin man niyang magbabad sa mainit na bisig ng lalaki ay pinilit niyang bumangon.
Kaya ngayon ay kakalabas lang ng isang buntis na pasyente niya kaya naghahanda siya ulit para sa susunod. Nang bumukas ang pinto ay hindi agad siya tumingala.
"Hi, Doc.." ang malamyos na boses ng isang babae ang narinig ni Yna. Ngunit kabaliktaran sa malamyos nitong boses ay ang tawa nitong may pang-aasar.
Napailing nalang si Yna at umikot ang mata. Sanay na sanay na siya sa pasyenteng ito. Tatlong beses na niya itong pinaanak kaya ki
