KINAILANGANG bumalik sa Maynila ni Cathellya dahil marami siyang kailangang gawin sa foundation. Unti-unti nang umaayos ang kalagayan ni Lola Ancia. Hindi pa rin katulad ng dati ngunit konsolasyon nang hindi lumalala ang kalagayan nito. Kahit na medyo matagalan ang full recovery nito ay ayos lang basta gagaling ito at hindi na muling magkakasakit.
Naiwan sa Mahiwaga ang ilang mga apo ng matanda kaya hindi niya kailangang mag-alala. Panatag ang kalooban niyang iwan ito dahil naroon naman si Simon na doktor. Nangako siyang babalik kaagad kapag natapos na niya ang lahat ng kailangang tapusin.
Nang araw na iyon ay kasama niya si Celine sa Cattleya Medical Center para sa heart transplant ni Arnie, isang batang tinutulungan ng foundation nila. Naroon sila upang damayan ang pamilya nito at upan
