Natakot ako sa padrama ni Ally akala ko ay kakatayin na nga talaga si Lloydy, lintik na kalabaw kasi ito nag momoment na kami nakisabay pa. Akay ata ni Tibo ito na laging awat sa moment namin. Hayun, ok naman na sa kanya na pagtatanim ko na lang ng bagong halaman. Ihihingi ko na lang kay Nay LIta kinabahan ako para sa buhay ni Lloydy aba e, paborito pa naman ito ni Tay Pilo.
May taglay na kapilyahan ‘din kasi talaga si Ally, nagulat ako ng sabihin nito na si Lloydy daw ay parang nakakaintindi na tao k’ya sinidak n’ya. Mukhang pilyo daw ang kalabaw at pareho kami ng hinala . Pero grabe ang babaeng ito talagang pinanginig si Lloydy, naghahasa ba naman ng itak, kaya ang pobreng kalabaw takot na takot. Pero heto na nga papunta kami sa bukid sakay-sakay nito sa likod si Ally na aliw na aliw.
