IBINUKAS ko ang aking bibig para sana magsalita, nang maunahan na naman ako ng nasa kabilang linya.
"Oh, nevermind. Just tell him to call me back." Pagkasabi nun ibinaba na ni Ms. Charlize ang tawag.
Naiwanan akong nakadikit pa rin sa tainga ang telepono, habang tulala akong nakatitig sa kawalan.
Sa ilang araw na pag-stay ko rito sa penthouse, ngayon ko lang napansin na hindi tumatawag si Ms. Charlize, maliban sa araw na 'to.
Sinabihan ba siya ni Kazu na huwag tatawag para hindi mabuking na may kasamang ibang babae rito sa penthouse?
Or was he checking up on him constantly through chat? At dahil nasa meeting nga, hindi nasagot ni Kazu kaya tumawag rito sa penthouse?
Pero ang tanong, bakit hindi man lang naghinala si Ms. Charlize na babae ang sumagot ng tawag? Hindi man lang niya
