"LAST Volume ng Lovestagram Monthly? Hmm. Puwede rin. Ibibigay natin sa araw mismo ng graduation, gan'on?" ani Cee habang pinapasadahan ng tingin ang scratch paper ni Ava na naglalaman ng plano nito para sa last edition ng mini-magazine nila.
Tumango si Ava. "Since it will be the last edition, syempre bonggahan na natin. Kaya naisip kong maging topic ang Spiral at Beastly."
Napakunot ang noo ni Cee. "Beastly? Ano 'yon? Parang Beauty and the Beast pero magiging Spiral ang the Beast? To be honest, mas bagay na beast ang Spiral."
Nakita niya ang sabay-sabay na pag-iling at pagsapo sa mukha ng mga kaibigan niya.
"Beastly ang tawag sa mga miyembro ng SSG," ani Mai. Umiling-iling pa ang kaibigan. "Ewan ko ba sa 'yo. Saang kuweba ka ba nagtatago, ha?"
"Sorry naman. Tao lang. Nagkakamali rin.
