HINDI MAKATULOG si Scot ng gabing ‘yun sa silid na pag aari ng kaniyang kakambal na si Lexus. Kahit na hindi siya sanay na matulog doon ay kinailangan niya pa rin na sanayin ang kaniyang sarili sapagkat ayaw niyang mahuli siya ni Stephanie na doon natutulog sa sarili niyang silid.
Halos mag a-alas dose na nang madaling araw pero gising na gising pa rin ang diwa ng binata at hindi pa rin siya dinadatnan nang antok. Sino ba naman kasi ang makakatulog kung napuno ng mga alaala at isipin ang kaniyang utak dahil sa mga nalaman niya kay Stephanie kaninang umaga lang. Hindi niya kasi talaga inaasahan ang mga nalaman niya mula sa dalaga. Never din na pumasok sa isip niya na mas pipiliin ng dating kasintahan niya si Mai over sa kaniya at sa halos limang taon na relasyon nila.
Walang mali... ‘yun
