NAALIMPUNGATAN SI Scot nang sunod-sunod na tumunog ang kaniyang cellphone. Kasalukuyan lang siyang nakahiga ngayon sa mahabang sofa sa sala ng kanyang kaibigan na si Pierce. Hindi niya na alam at hindi niya na namalayan kung anong oras siya nakatulog matapos ang mahabang pag iinom nila ng kaibigan kaya hindi niya rin alam na hindi na pala siya nakauwi at doon na siya nakatulog. Masakit ang kaniyang ulo at sobrang ang pagkakakunot ng noo niya nang maabala siya dahil sa pag ring ng kaniyang cellphone na nakapatong sa may coffee table kung saan maraming nakakalat doon na bote ng alak na napatumba nila sa kanilang pag iinom. Ang kaniyang kaibigan naman na si Pierce ay mahimbing lang na natutulog sa sariling silid at dahil din sa sobrang kalasingan kaya naman hindi man lang namalayan nito ang i
