-ANGELICA-
Noong araw na iyon ay sinamahan ako ni Jah kina Mama at Papa upang ipaliwanag ang naging desisyon namin. Alam kong hindi sila papayag dahil magtatapos pa lang ako ng pag-aaral pero ipinaliwanag ni Jah na hindi niya ako pipigilang gawin ang mga gusto at pangarap ko kahit na kasal na kami. Sa huli ay pumayag na rin sila. Alam ko na raw ang ginagawa ko. Basta raw ay masaya ako sa naging desisyon ko.
Alam kong nagtatampo pa rin sila sa akin at hindi pa rin nila matanggap na magpapakasal na ang nag-iisang anak nila. Lagi ko silang nilalambing para mabawasan na ang sama ng loob nila. Hindi rin naman nila ako matiis lalo na ngayon na ga-graduate na ako. Mas kailangan ko sila.
Kasalukuyan na akong inaayusan ng stylish na kinuha ni Jah. Pati sina Mama, Lola, Billy, at mga T
