Nanginginig ang mga kamay habang nakatayo sa gilid ng luma at abandonadong building si Elyse. Puno ng pangamba ang puso sa posibleng mangyari sa kanya. Pero hindi na rin naman siya makakaatras pa. Ayaw niyang masaktan si Cliff. Di baleng siya na lang. Wag lang ang walang kamuwang-muwang na asawa. Hindi nito kailangang madamay sa problema ng pamilya niya.
Napatingin siya sa cellphone. Ala una na ng hapon. Ang oras kung saan siya sinabihang magpunta roon. Pero kahit anong paglinga-linga niya ay wala siyang makita na kung ano mang kakaiba roon.
Mainit man dahil sa tirik ang sikat ng araw ay di alintana kay Elyse ang paglalakad sa ilalim ng init makapunta lang sa kabilang bahagi ng building. Mahirap na at baka mali lamang siya ng pinaghihintayan. Pero wala talagang tao roon. Hindi kaya ay
