Magmula nang mangyari ang ang pagtatangka sa buhay nila ni Cassandra sa Lanayan ay mas naghigpit ng seguridad si Duncan sa buong nasasakupan nito. Hindi nito gusto na muling maulit ang nangyari sa kanila. At magmula rin nang araw na iyon ay hindi na siya masyadong kinakausap nito. Pabor naman iyon sa kanya. Hindi niya kasi alam kung paano niya ito pakikiharapan pagkatapos nang naganap sa pagitan nilang dalawa. Ngunit hindi niya maintindihan kung bakit tila nakakaramdam siya ng inis sa tila pag-iwas at hindi pagpansin sa kanya ni Duncan. Lagi na tuloy siyang nagkukulong sa kanyang kuwarto.
Nagpasya siyang lumabas sa kanyang kuwarto para hanapin si Cassandra. Hindi na niya kasi ito nakita pagkabalik nila sa bahay ni Duncan. Nag-aalala man siya na baka kung ano na ang parusa na natanggap ni
