Ito ang kauna-unahang pagkakataon na may nagligtas at pumrotekta sa akin. Kaya ganoon na lamang ang paghagulgol ko at hindi ko 'yon magawang pigilan. Parang pinipiga ang puso ko na hindi ko maintindihan.
"B-boss Dwayne..." Bumangon si Ronnie at umaktong magpapaliwanag kay Dwayne pero agad siyang sinalubong ng suntok ni Dwayne. Sa galit niya'y halos pumutok na ang labi ni Ronnie dahil sa malakas at sunod-sunod niyang suntok.
"D-Dwayne... T-tama na," awat ko nang nakitang pinapaulanan na niya ng suntok si Ronnie.
"Sa susunod alamin mo kung kaninong pagmamay-ari ang sinusubukan mong angkinin!" sigaw ni Dwayne kay Ronnie. Nang lingunin niya ako ay agad niyang hinubad ang suot niyang coat at agad na itinakip sa punit kong blouse saka niya ako marahas na hinila palayo roon.
May nakasalubong
