Ivelle Ruiz's Point Of View
Matapos kaming mamasyal sa amusement park, nagpaalam ang ama ni Azrael na hiramin muna si Rael upang makapag-solo naman daw kami ni Azrael. Kahit nakakahiya, may pakiramdam akong gustong-gusto ko na magkasama kami.
Si Azrael naman ay masayang nakangiti habang papaalis ang sasakyan ng ama kasama si Rael. Maya-maya pa, nagulat na lang ako nang hilahin ako ni Azrael pasakay sa sasakyan nito. Nagtataka man, nagpaubaya na lang ako at sumunod sa kanya.
"Azrael, saan tayo pupunta?" tanong ko sa kanya, ngunit nakangiti lang siya habang nagmamaneho at hindi ako sinasagot. Kaya nanahimik na lang ako at hinihintay ang paghinto ng sasakyan.
Isang oras din ang nilakbay namin hanggang makarating sa isang gusali na madilim. Nagtataka ako, kaya't tumingin ako kay Azrael.
