Azrael Takeshi's Point Of View
Pagkarating ko sa parking area ng building kung saan matatagpuan ang condo ni Letheia, agad akong naghanap ng puwesto at mabilis na nag-park. Napansin kong andito ang kotse niya, kaya naman bahagyang nabuhayan ako ng loob—baka andito rin si Ivelle.
Hindi na ako nag-aksaya ng oras. Mabilis akong pumasok sa lobby ng building at dumiretso sa elevator, pinipilit na kontrolin ang mabilis na t***k ng puso ko. Pagdating sa unit ni Letheia, agad akong nag-doorbell.
Isang beses. Dalawa. Tatlo.
Walang sumagot.
Muli kong pinindot ang doorbell, mas matagal ngayon, kasabay ng marahang pagkatok sa pinto.
Tahimik.
Hindi kaya ayaw lang niyang buksan? Baka nasa loob lang sila at iniwasang harapin ako.
Napailing ako, pilit pinakalma ang sarili. Alam kong hindi ko bast
