"You're going to continue even without my presence? What a disgraceful action." Isang makapangyarihang tinig ng babae ang siyang nagpatigil ng paghakbang ni Asher. Sabay na lumingon ang lahat sa may pintuan ng conference room. Natigilan ang lahat ng mga board member dahil sa muling pagsulpot ng anak ni Mr. Tucker.
Kasiyahan, ito ang makikita sa mukha ng ama ni Wesley, ngunit sa kabilang banda ay naniningkǐt ang mga mata ng mag-inang Sandra at Marice habang matalim na nakatitig sa direksyon ni Wesley. Mababanaag sa kanilang mga mukha ang matinding pagtutol sa presensya ng babaeng kay tagal na nawala ngunit nagbalik upang guluhin ang kanilang mundo.
Tila slow motion na pumihit ang katawan ni Asher paharap sa direksyon ng babaeng nagsalita at makikita ang labis na paghanga mula sa mga mata
