Mabilis namang lumipas ang mga araw at dumating na nga ang nasabing party ng kompanya nina Juancho. At dahil pinagbuti ni Mariella ang designs ng event ng kompanya ng mga Montemayor ay sobrang ganda ng pagkakagawa nito at pagkakaayos. Malawak naman ang loob ng JM INVESTMENTS CORPORATION Company. At may mga kuwarto na rin ito sa loob na pweding pahingahan sa oras na gustong magpahinga ang isang bisita o maging sila mismo na nagmamay-ari ng nasabing kompanya. Naroon na sa kompanya ang mag- asawang Montemayor na sina Sir Alejandro Montemayor at Madam Walsonia at tumulong na rin ang mga ito sa pag- entertain sa bawat bisitang dumating. Isang elegante at mamahaling gown ang suot ni madam Walsonia at ganoon na rin kay Mr. Alejandro Montemayor. Si Juancho naman ay isang mamahaling Americana din
