"Noong unang panahon, may isang hari..." sinimulan ni Isabella ang kanyang kwento.
Kahit na naiinis siya kay Marcus ay hindi naman niya ito mahindihan.
Iniwan niya ang kanyang iginuguhit para pagbigyan ito sa hiling nitong kwentuhan niya para makatulog.
"Na may isang napakagandang anak na dalaga."
Habang nagkukwento na si Isabella ay hindi niya napapansin ang pagbabago ng seryosong mukha ni Marcus, nabahiran ang ekspresyon nito ng pagkaaliw habang nakatingin si Marcus sa kanya sa screen ng cellphone nito.
"Isang araw, the little princess plays with her favorite golden ball by the pool. At habang naglalaro ang prinsesa, ang bola nito ay nahulog sa pool."
Nagpatuloy lang si Isabella, ngunit hindi naman nakaramdam ng antok si Marcus, kundi habang nagkukwento si Isabella ay siya mismo an
