"Paano ba yan, Architect Santo Domingo, payag silang lahat na maniwala ka sa akin dahil totoo naman ang lahat ng sinabi ko lalo na ang pagmamahal ko sayo. Kaya ano na ang sagot mo sa tanong ko kung payag ka bang maging kabiyak ng puso ko?" Nakangiting tanong sa akin ni Badong.
Hays, ngiti pa lang ni Badong eh ulam na. Hahaha.
"Bago ko sagutin ang tanong mo, Engineer Salvador Lagdameo Jr., eh meron sana akong gustong ikwento muna sa inyong lahat. Gusto ko sanang mag open up sa inyo for the first time at para na rin maintindihan nyo ang naging basehan ng magiging sagot ko sa tanong ni Salvador Jr. Pwede ba?" Tanong ko kay Badong at sa lahat ng tao na kasama namin ngayon.
"Oo naman, BHY." Tugon ni Badong. Tumango din ang mga tao sa paligid namin.
"Medyo mahaba 'to." Ani ko.
"Ok lang."
