Kabanata XV [2]
Ilang oras na paglalaro nila JB at Joshen ay pumasok muli ang mag-asawang Jun at Rin upang kausapin ang binata. Lumayo ng kaunti sa kanila si JB at lumipat sa kabilang parte ng kama upang hayaang mag-usap ang mga mas nakakatanda sa kanya. Hinarap naman ni Joshen ang mag-asawa. "May problema ba, Rin?" tanong nito sa kanila.
"Papunta sana kami ngayon sa kwarto ni Sir Joshua pero nakita naming papasok na doon ang tatay niyo kaya hindi na kami tumuloy." ani Rin.
Nabigla si Joshen sa narinig niya. Bihira lang magpakita sa kanila ang kanilang ama sa kadahilanang malayo ang loob ng mga ito sa kanya at nasa magka-ibang bahay sila. May ideya na si Joshen sa biglaang pagpapakita sa kanila ng kanyang ama at alam nitong ang malaking eskandalong kinasasangkutan nila ang dahilan ng
