"MABUTI at napadalaw ka, alam mo bang matagal din kitang hinintay na makita rito," aniya ni Farrah sa kaibigan niyang si Yssa. Matalik niya itong kaibigan sa Negros noon. Matagal na itong may balak na dalawin siya sa Manila. Madalas plano lang din, mabuti na nga lang at naisipan na rin nitong lumuwas kahit papano. Natuloy din ang matagal ng plano.
"Oo nga e. Boring na rin kasi ako sa probensiya, Farrah, kaya naisipan ko na. Actually, hindi pa sana ako aalis. Naisip ko na lang na kung hindi ngayon, kailan pa hindi ba?"
"Tama ka! Wala ka nanan masyadong ginagawa sa atin. Para ngang preso ka lang d'on sa bahay niyo, dito sa Manila kahit papano marami kang mapaglilibangan, Yssa, lalo na kapag nakahanap ka ng trabaho."
Inabot nito ang binigay niyang baso ditong may lamang isang baso ng tubi
