NILALARO KO ang mga buhangin na nasa paanan ko. Matagal na rin noong huling beses kaming nag-beach. Buti na lang at naisipan ni Sky na magbakasyon sa probinsya nila ngayong summer vacation. Kahit siguro dito na namin bunuin ang buong bakasyon ay hindi ako magsasawa.
Binuksan ko ang laptop ko at nagsimulang mag-type ng panibagong blog.
Blog Post #237: Eighty Nine Days With My Ulap
Ilang buwan na ba? Tatlong buwan na kami ni Sky. Hindi ko masasabing perpekto ang relasyon namin. Wala naman kasing perpekto. We’re lovers but we’re treating each other as best friends with much love.
Dati, I miss you lang. Ngayon, may I love you na nakasama. Nakakapanibago noong una, pero iba talaga ang pakiramdam, e. Parang ngayon, nasa ayos na ang lahat. Kumbaga, we’re in love in the right time and place.
