“M-MAMA...”
Napahinto si Georgette sa pag-a-upload ng mga bagong product niya sa f*******: nang marinig niya ang boses nang anak na tumawag sa kanya.
At ganoon na lang ang pag-alalang naramdaman niya nang makitang umiiyak ito habang hawak nito ang kanang pisngi ng sulyapan niya ito. Tumayo siya mula sa pagkakaupo niya sofa at dinaluhan ang anak.
Lumuhod siya para magpantay ang mukha nilang dalawa. Hinawi din niya ang ilang hibla ng buhok na tumatabing sa mukha nito. “Bakit umiiyak ang baby ko?” masuyong tanong niya rito.
Sumigok-sigok naman ang anak. “Mama, masakit po teeth ko,” sumbong nito. “Super sakit po,” dagdag na wika nito habang sapo ang pisngi.
“Nag-tooth brush ka na ba?” tanong niya.
Umiling ito. “Hindi po. Tooth brush sana ako, Mama kaso nag-play po ako. Nakalimutan ko
