Chapter Eleven
Naglalaro kami ni Avery sa labas ng bahay. Hapon na at tulog si Prim. Kaya kaming dalawa lang ng anak ko ang magkasama rito sa labas. Habulan. Nangingibabaw ang hagikhik nito sa tuwing nahuhuli ko siya.
Nang namataan kong palabas ang bagong kapitbahay ay agad kong pinigilan si Avery sa pagtakbo at binuhat ito.
"Tara na sa loob, 'nak. Tapos na muna ang laro---"
"Mama, want ko pa mag-run," agad nitong tutol at binalak bumaba pero hindi ko ito hinayaan. Nakatingin na sa amin ang lalaki. Hindi na ito tumuloy sa paglabas. Pero kami tumuloy kami sa pagpasok. Nagsimulang umiyak si Avery dahil sa naputol na playtime nito. "Mama, play pa po. Konti pa, play pa."
"Avery, tahan na po. Wait lang natin si Tita Mama. Kayo na muna ang mag-play. S-umakit kasi ang paa ni mama, anak," pa
