Chapter Thirteen
"Tantanan mo ako, Prim. Kanina mo pa ako tinutukso," inis na ani ko sa kaibigan na napahagalpak ng tawa.
"Hoy! Wala naman akong sinasabi," tanggi nito.
"Sa tagal na nating magkaibigan ay alam ko na iyang tingin na iyan, Prim. Hindi man bumuka ang bibig mo... titig pa lang ay basang-basa ko na." Lumapit ito't tumabi sa akin. Inakbayan din niya ako.
"Halatang type ka no'ng bago nating kapitbahay, Lia."
"Tantanan mo ako, Prim."
"Sobrang gwapo, sobrang macho, sobrang hot! Girl, hindi mo ba nakikita iyon?" kilig na kilig pa ito.
"Parang ikaw naman yata ang may type roon. Prim, kung type mo ay huwag mo nang iasar sa akin." Natigilan si Prim. Tumikhim at muling tumingin.
"Nagseselos ka?"
"Ha?! Hindi kita gets, Prim. Bakit naman ako magseselos? Hindi ko type ang
