Dahan-dahan na idinilat ni Uno ang kanyang mga mata. Katulad ng panahon ngayong umaga ay maaliwalas ang kanyang pakiramdam kahit na late na din siya nakatulog kagabi.
Napangiti si Uno habang nakatitig siya sa kisame ng kanyang kwarto. Dumaloy sa kanyang isipan ang mga nangyari at pinag-usapan nila ni Lyndon kahapon.
Dahan-dahang bumangon si Uno at naupo sa kanyang kama. Lumilis ang kumot pababa sa kanyang katawan kaya naman lumitaw ang wala niyang saplot na pang-itaas.
Huminga nang malalim si Uno. Nagtanggal siya ng muta sa kanyang mga mata at pinunasan din ang magkabilang gilid ng kanyang labi gamit ang hinlalaking daliri niya.
Nag-inat-inat ng katawan si Uno bago niya naisipang alisin ang kumot sa kanyang katawan saka umalis ng kama. Tumayo siya sa gilid at muling nag-inat-inat.
Mat
