Chapter 70
Dahan-dahan na binuksan ni Gianna ang pinto ng kuwarto ni Silvanus. Pagpasok niya ay madilim sa loob. Nanuot sa kanyang ilong ang pabango ng binata. Lalong bumagsak ang mga balikat ni Gianna. Wala sa loob ang binata. Kaagad niyang isinara ang pinto at binuksan ang ilaw.
Malamlam pa rin ang liwanag sa loob. Bumuntong hininga si Gianna habang pinagmamasdan ang kuwarto ng nobyo. Maayos na nakasalansan ang mga gamit ni Silvanus. Malinis ito at maayos tingnan. Daig pa siya nito sa sobrang linis sa katawan.
Naglakad siya palapit sa lagayan ng mga damit ng binata at binuksan ito ni Gianna. May ilang mga estante na walang laman. Mukhang nagmamadali pa ang binata dahil hindi maayos ang mga damit nito.
She had the urge to fix his things. Malungkot niyang sinalansan ang mga damit n
