Nakaupo ako sa sofa at matiyagang naghihintay kay Stephen na nagpalit ng kaniyang kasuotan.
Inaya ko siya kaninang samahan ako na mamili ng mga kakailanganin dito sa bahay dahil paubos na rin ang mga stock. Mahirap namang gumalaw rito sa bahay na kulang-kulang ang mga gagamiting kagamitan.
"Aargh!" nayayamot kong ungol dahil sa matinding frustration.
Halos may isang oras na rin akong naghihintay sa kaniya pero 'di pa rin siya bumababa mula sa silid na tinutulugan niya.
"Ano ba kasing ginagawa niya roon sa itaas?" inis kong tanong sa hangin na animo'y tao lang kung kausapin ko.
Tumayo ako mula sa pagkakaupo at naglakad papunta sa may hagdan. Umakyat ako ng ilang baitang paitaas sabay tingin sa paligid kung makikita ko ba siya roon pero wala naman.
"F*ck! Dapat sinabi niya na lang sa
