Her Fav Hobbies

Chapter 50

Nagising ang nahihimbing kong diwa dahil sa mga tinig na nauulinigan ko, ngunit hindi ko lamang maunawaan ng lubos. Ibinuka ko ang mga tainga ko para lubos na maunawaan ang anumang usaping pinagtatalunan.

"Hindi pa rin tama na rito si Becky, natutulog!" matigas na sambit ng tinig ni kuya na kahit pa nga nakapikit ang mga mata ko'y nasisiguro ko namang siya.

"Ikakasal naman na silang dalawa ni brother in law, kaya okay lang na rito matulog si sister in law, honey," turan ng maarteng tinig ni babaeng hipon na sa palagay ko’y nakakapit kay kuya.

"Hindi ba pwedeng napagod lang si Becky, kaya nakatulog dito?" Sigurado akong kay Wendy ang tinig na ‘yon.

"E bakit ikaw hindi napagod? Pareho lang naman kayong volunteer, di ba?" pasarkastikong tanong ng maarteng tinig ni babaeng hipon na nagpaku