"Maybe? Itatanong ko lang naman dahil hindi lang kasi ikaw pamilyar sa akin. May something sa mukha mo, sa expression mo, pati sa paraan ng pagsasalita mo na parang may binubuhay sa alaala ko. Hindi ko lang maabot kung saan o kailan. Kung nagkita na tayo dati, kahit saglit lang, sabihin mo na sa akin... ayoko kasing isipin na lumalala na naman ang memory problem ko."
"Malaki ang Australia, Doctor, pero maliit ang Association," sagot niya habang bahagyang umiwas ng tingin. "Posibleng nagkasalubong na tayo somewhere. Baka hindi mo lang napansin, o kaya naman ay mas bata pa ako noon kaya wala ka nang maalala. Maraming agents ang lumilipat ng branch, kaya hindi impossible."
Hindi ko siya sinagot agad.
Boses niya.
May kakaiba talaga. Parang narinig ko na ang tono na 'yon sa isang lugar noon
