"Palagi kang mag-iingat Rex," maluha kong bilin sa kapatid ko at niyakap siya ng ubod ng higpit.
"Ikaw rin, Ate." Gumanti ito ng yakap at nagpipigil lang din maluha sabay bumaling kay Demir nang humiwalay siya ng yakap sa akin.
"Kuya... paki-alagaan mabuti si Ate, h'wag mo siyang sasaktan, simula baby ingat na ingat diyan si Nanay," may pakiusap niyang bilin sa binata.
Tumango naman si Demir. "Don't worry, I will. Mag-iingat ka roon at pupuntahan ka namin ng Ate mo para bisitahin kapag may libreng oras."
Tumango na lang din si Rex nang tapikin siya nito sa balikat. Dumako naman ako sa Lolo't Lola ko.
Hinawakan ko ang kamay nila. "Lo, La," maluha kong tawag sa kanilang dalawa.
"Kayo na pong bahala kay Rex, ayaw naman sumama sa akin eh, sa inyo raw gusto. Parati akong magpapadala ng p
