Chapter Thirty Six
Kinaumagahan, naalimpungatan si Yoko sa sunud-sunod na doorbell mula sa labas ng kwarto niya. Inaantok pa siyang bumangon at nagtungo sa pinto. Sinilip niya mula sa peeping hole kung sino ang nasa labas pero hindi niya ito makita kaya binuksan na lamang niya ang pinto.
"Ang aga-aga naman," reklamo niya habang halos nakapikit pa ang mga mata.
"Rise and shine! Good morning, Love! I have brought you breakfast!" nakangiting sabi ni Travis sa kanya bago ito tuluyang pumasok sa loob at tila feel at home.
"Bakit nandito ka nang napaka-aga? Sino ang nagpapunta sa'yo?" nakapamewang na tanong ni Yoko sa kanya.
"Just myself. I thought you might be hungry and too lazy to cook for yourself. So, I just brought you food. Tara, kain na," mabilis na tugon naman nito sa kanya.
