Chapter Forty Six
Kinahapunan ay nagpaalam si Yoko kay Travis na magpupunta kila Janice. Hindi na nga niya alam kung anong klaseng palusot ang gagawin niya. Hinatid pa talaga siya nito sa mismong bahay ng kaibigan. Buti na lang at kakuntsaba niya si Manang. Kinindatan niya lang ito para sabihin na nandito sa loob si Janice at nasa kwarto lang. Pero ang totoo ay papunta na ito sa Gaybar kasama nito si Andrea.
"Ingat sa pag-uwi, Beh. I love you," paalam pa ni Yoko.
Hinalikan pa siya ni Travis sa mga labi bago ito tumalikod at tuluyan siyang iwanan. Nang makalayo na ito ay siniguro muna niya hindi na nga siya nito maririnig bago siya tumawag kina Janice.
"Ano? What time ba ako pupunta riyan?" bungad niya kaagad sa kaibigan.
"Nag-aayos pa kami! Huwag ka ngang atat! Nasa bahay ka na ba
