#LivingWithYou
CHAPTER 74
Nasa loob ng kwarto ni Eros si Bryan. Nailipat na nila dito ang ibang mga gamit ni Bryan.
“Bukas na lang natin ilipat ‘yung iba mong gamit at magpahinga na tayo,” sabi ni Eros. Naglakad ito palapit sa kama saka naupo sa paanan nito.
Nangunot ang noo ni Eros nang tingnan niya si Bryan. Nanatili kasi itong nakatayo sa gitna ng kwarto at yakap-yakap pa ang sariling unan.
“Uy!” pagtawag ni Eros kay Bryan.
Napatingin si Bryan kay Eros.
“Matulog na tayo kasi malalim na ang gabi at may pasok pa bukas,” sabi ni Eros.
Hindi sumagot si Bryan. Ang totoo niyan, nag-aalangan rin siyang lumipat ng kwarto kasama ito kasi magtatabi sila sa iisang kama.
“Tatayo ka na lang ba diyan?” tanong ni Eros. “Tara na dito sa kama,” pag-aaya pa
