#LivingWithYou
CHAPTER 71
Pasado alas-diyes na ng umaga ng magising si Gab. Humikab siya ng pagkalaki-laki na may kasama pang tunog at pagkatapos ay ininat-inat ang mga braso at paa.
Dahan-dahang iminulat ni Gab ang kanyang mga mata. Nangunot bigla ang kanyang noo dahil sa napansin niyang may nakaharang sa kanyang paningin dagdagan pa na pakiramdam niya ay may nakadikit na kung ano sa kanyang noo.
Kinapa-kapa ni Gab ang kanyang noo hanggang sa mahawakan niya ang isang kapirasong papel. Kinuha niya iyon at tiningnan saka binasa ang nakasulat.
Salamat sa pagpapatuloy mo sa akin sa kwarto mo at pag-aalaga. Pasensya ka na kung dito na lang ako nagpaalam sa note na uuwi na ako. Mahimbing kasi ang tulog mo kaya hindi na kita ginising. Pasensya na rin sa abala... mukhan
