#LivingWithYou
CHAPTER 92
Naisipang maglakad-lakad ni Marco sa paligid ng bakuran at iyon nga ang ginagawa nito ngayon. Nakapamulsa pa ang kanyang dalawang kamay habang tinitingnan ang maaliwalas na paligid.
May kaluwagan ang bakuran nila Bryan kaya naman kahit na dito lamang siya maglibot ay ayos na sa kanya. Isa pa, gusto lang rin naman niyang mapag-isa at matahimik kahit sandali kaya hindi na rin niya kailangang lumayo pa.
Huminto sa paglalakad si Marco. Nandito siya ngayon sa likod ng bakuran. Tinitingnan ang mga halamang itinanim nila nung isang araw. Napangiti pa siya dahil nakita niyang may pangalan ang halaman nila Bryan at Eros.
Tiningnan naman niya ang halaman na itinanim nila ni Gab. Nakilala niya ito dahil may nilagay siyang ribbon na pula sa katawan ni
