I have to believe that Melvin is now what my heart wants, gaano ko man din diktahan ang sarili na huwag at piliting ayoko— bandang huli ay mas lalo lang akong nababaon sa nararamdaman ko para kay Melvin.
Ang labas kasi ay parang niloloko ko lang ang sarili ko na ano man ang sabihin ng bibig ko ay iba naman ang sinasabi ng puso ko. Masyado akong in denial to the point na ayokong tanggapin sa sarili ko na nahulog na ako sa kaniya.
Hindi ko lang alam kung kailan, saan at paano nagsimula. Kagaya ni Melvin, basta ko na lang naramdaman. Walang eksaktong oras o dahilan, hanggang ngayon nga ay hindi pa rin ako makapaniwala na napamahal na ako rito.
Basta ay natagpuan ko na lang din ang sarili ko na ayaw iwanan si Melvin, ayokong malayo ang presensya niya. Katulad ng naramdaman ko kaninang umaga
