Sinabi niya iyon? Aba, may mali talaga sa kaniya. Dalhin ko kaya ito sa albularyo at ipatingin kung ano ba ang nakain niya? Natatakot kasi ako, lalo sa isang bagay na hindi ko pa maipaliwanag ngayon.
Pakiramdam ko ay ayokong maging mabait siya sa akin, ayokong pakitaan niya ako ng kabutihan. Ayokong magkaroon ako ng dahilan para mas mapalapit ako sa kaniya, kasi alam ko na balang-araw ay aalis din ako.
Hindi naman magtatagal itong pagsasama namin bilang mag-boss at alalay, kung may agenda siya ay ganoon din ako at iyon ang panghahawakan ko upang ipagpatuloy itong pagiging PA ko. Bonus na lang doon ang presensya ni Marvin.
Marahas akong napahinga nang malalim, tuluyan na ring pinausad ni Melvin ang sasakyan nito paalis. Tinanaw ko pa iyon hanggang sa mawala ito sa paningin ko, roon lang
