Finale
-
Napansin ko pang naroon si Doc. Gabriel na sinusundan kami, nagawa pang masilayan ang pagbigay nito sa coat niya kay Melvin na nananatiling nakahubad. Iyon ang naging saplot ni Melvin nang makapasok kami.
Sa pagkakawala ko sa sarili ay hindi ko na magawang pagtuunan pa ng pansin si Melvin, basta ay nakasunod lang ito sa amin habang lulan ako ng hospital bed na itinutulak ng ilang nurse upang dalhin sa loob ng ER.
Hindi ko na rin kailangan pang mag-labor dahil ireng-ire na ako, ano mang oras ay may kakaway na sa pwerta ko dahilan para maagap din akong ipinwesto ng mga nurse at inilipat sa isa pang hospital bed.
Samantala ay sumunod naman si Melvin sa loob na hindi magawang bitawan ang kanang kamay ko, hawak-hawak niya lang ako na para bang sinasabi nitong hindi niya ako iiwan
