Ayumi
Binalita sa'ming dalawa ni Mommy na hiwalay na raw si Akioh at si Lizzie. Hindi na naman ako nagulat sa sinabi ni Akioh. Matapos kasi ang insidenteng 'yon ay nagkamabutihan na sila ni Delaney.
Alam ni Akioh na ilang buwan lamang mananatili si Delaney sa bansa at tuluyan na itong babalik sa Japan. Malamang sa malamang ay mauuwi rin sa hiwalayan ang relasyon nila ni Delaney. Saka hindi ko alam kung may babaeng makakapagpatino pa sa kapatid kong 'yon. May makita lang kasi siyang maganda, nakakalimutan ng may girlfriend pala siya.
"Bukyo, siguro naman magtitino ka na dahil nakuha mo na ang long-time crush mo?" ani ko sa'king kapatid na nasa sala.
Linggo ngayon at hindi naman ako busy kaya umuwi ako sa'min. Si Mommy ay nasa church kasama ang kaniyang mga kaibigan.
"Siyempre naman, At
