MULING nagpakawala nang malalim na paghinga si Sirak habang hindi pa rin maipinta ang kaniyang hitsura. Nagpapabalik-balik siya ng lakad sa loob ng maliit na kuwarto roon sa kaniyang studio. May isang oras na ata simula nang makabalik siya roon galing sa opisina ni Uran. Pagkatapos ng mga nakita niya kanina roon, hanggang ngayon ay naiinis pa rin siya. Naiinis pa rin siya kay Uran dahil hindi manlang siya nito sinundan. Ni hindi manlang din ito tumawag sa kaniya o nagtext para humingi ulit ng sorry. Oo na, bukod sa inis na naramdaman niya kanina dahil sa Leceil na iyon, ewan niya kung bakit nag-inarte siyang bigla. Humihingi na nga ng sorry sa kaniya ang binata pero nagpahabol-habol pa siya. Medyo naging oa siya sa part na hindi niya manlang ito pinakinggan kanina kahit alam naman niyang n
